ഭാര്യ

പൂമുഖത്ത് എന്നും 
ഒരു പുഞ്ചിരി 
നിന്നെയും കാത്തു നില്‍പ്പു
ജിവിതം നൊന്തു നില്‍ക്കെ 
വാതിലില്‍ നില്‍പു സ്വാന്തനം...

ആയിരം വല്ലി പൂത്തു 
ഗന്ധമായി പടര്‍ന്നു നില്‍ക്കെ 
എന്തിനീ നീ നൊമ്പരങ്ങള്‍ 
നെഞ്ചില്‍ കൊണ്ട് നില്‍പ്പു..
.
ആയിരം ജന്മ നാളില്‍
ആയിരം താളുകള്‍ക്കായ്
ആയിരം സ്വപ്നമേറി...
യാത്രയായ് കൂടെ നില്‍പ്പു..

ഒരു മരം ഒരു തണല്‍

ഒരു മരം ഒരു തണല്‍ 
ഒരു കുളിര്‍ കാറ്റിന്‍ 
കിളി മൊഴി ചുരത്തുവാന്‍ 
നിശബ്ദ വിപ്ലവം ...

ഒരു കൈ കൊരുക്കുക
നമ്മളീ നാടിന്ടെ
ഭാവി ദുരന്തമിന്നേ തടയുക ..

കൊടി നിറം വലിച്ചെറിയുക
നമ്മളീ
ഭുമുഖമുണ്ടെങ്കില്‍ അല്ലെ
കൊടി ഉയര്‍ത്തുവാന്‍ ...

ഉയരുക കൈകള്‍
ഉയര്‍ത്തുക കൈകള്‍
മണ്ണിലെ ജലം കരുതുക
മക്കള്‍ക്ക് പകരുവാന്‍ ...

നാടെ മറന്നു ഞാന്‍

നാളെ മറന്നു ഞാന്‍ 
നാടെ മറന്നു ഞാന്‍ 
മണ്ണു മറന്നു ഞാന്‍ 
വിണ്ണ്‍ മറന്നു ഞാന്‍ ..

തുള്ളി ജലം നാവിലുണ്ടാകുവാനൊന്നും
കരുതാതെ നിന്നിടുന്നു ഞാന്‍ ..
വിണ്ണിലെ മേഖങ്ങളെ
നോക്കി നില്‍പ്പു ഞാന്‍

മണ്ണു വരണ്ടത് കണ്ടിരിപ്പിന്നു ഞാന്‍
കാടു കത്തുന്നതും
കോടാലി വീണതും
യന്ത്ര ഭീമന്‍ തുമ്പി
കയ്യുയര്തുന്നതും
..നീര്‍ത്തട ചാലുകള്‍
മണ്ണു മൂടുന്നതും
വയലുകള്‍ കൊണ്ഗ്രീട്ടു കാടുയരുന്നതും
കണ്ടിരിക്കുന്നു ഞാന്‍ ;;;
;
നാളെ മറന്നു ഞാന്‍
നാടെ മറന്നു ഞാന്‍
നാടെ -----------------മറന്നു ഞാന്‍ ...